នាព្រឹកថ្ងៃចន្ទ ទី២៤ ខែមិថុនា ឆ្នាំ២០២៤ កម្មវិធីសាលារៀនជំនាន់ថ្មីវិទ្យាល័យព្រែកលៀប បានការសហការពីសំណាក់ មន្ទីរវប្បធម៌និងវិចិត្រសិល្បៈរាជធានីភ្នំពេញ បានរៀបចំសិក្ខាសាលាស្ដីពី”ចម្លាក់ស្បែក” ក្រោមអធិបតីភាព លោកស្រី ណម ណារីម ប្រធានស្ដីទី មន្ទីរវប្បធម៌និងវិចិត្រសិល្បៈរាជធានីភ្នំពេញ មានការចូលរួមពី លោក គូ រចនា ប្រធានការិយាល័យអប់រំយុវជននិងកីឡាខណ្ឌជ្រោយចង្វា លោកសាស្ត្រាចារ្យ ម៉ាន់ កុសល ប្រធានសមាគមសិល្បៈសុវណ្ណភូមិ គណៈនាយក វាគ្មិននៃមន្ទីរវប្បធម៌ លោកគ្រូ អ្នកគ្រូ មុខវិជ្ជាអក្សរសាស្ត្រ អ្នកគ្រូប្រឹក្សាអាជីព និងសិស្សានុសិស្សប្រមាណ ១២០នាក់ នាសាលាប្រជុំជំនាន់ថ្មី វិទ្យាល័យព្រែកលៀប។
សិក្ខាសាលានេះ ជាការចូលរួមមួយដ៏សំខាន់ក្នុងការបណ្ដុះ ស្មារតី យល់ដឹង ស្រឡាញ់ ថែរក្សា ការពារ សម្បត្តិដូនតាខ្មែរពិសេសគឺល្ខោនស្បែក។
“យុវជនដេីម្បីវប្បធម៌ជាតិ”
“កិច្ចការពារមរតកវប្បធម៌ជាភារកិច្ចរបស់កូនខ្មែរគ្រប់រូប”
